KUTOKA JF: HISTORIA YA ZANZIBAR NA TANGANYIKA

Mkuu Maalim
Mohamed Saidasante kwa taarifa, kutujulisha kumbe enzi zile ni Nyerere ndio alikuwa anatia watu jela na kuwafunga tuu!, ila haikusemwa watu hao waliofungwa na Nyerere, walikuwa wanafunguliwa na nani kutoka vifungo hivyo vya Nyerere?!. Mimi nilidhani ungesema ni serikali ya Nyerere!, kumbe ni Nyerere!, asante!.

Kwa msio jua kilichotokea Zanzibar baada ya mapinduzi yale matukufu ya 1964, wapinzani wa Karume walikuwa wana vanish into thin air, hata unywele haukuonekana (taarrifa zisizothibitishwa zilisema walininginizwa majiwe shingoni, kutiwa ndani ya magunia na kutoswa baharini). Kufuatia Mwalimu Nyerere kuwa ni mcha Mungu, hakuridhishwa na kinachoendelea kule, hivyo ili kuwanusuru waliotofautiana na Karume, aliwachukua na kuwafunga huku bara ambayo hiyo ndio salama yao!, hivyo ndivyo Nyerere alivyowanusu wengi akiwemo Col. Mafudha, Abrahman Mohamed Babu na baadhi ya Makomredi, vinginevyo saa hizi, tungekuwa tunazungumza mengine!.

Kiukweli shukrani ya punda ni mateke!, asingekuwa Nyerere na Muungano, baada ya yale Mapinduzi Matukufu ya Zanzibar, sijui ingelikuwaje kwa race fulani kule Zanzibar, halocust ingekuwa ni afadhali maana angalau ulipatikana japo mfupa au hata majivu!, Zanzibar hata unyayo tuu ulipokanya mara ya mwisho,usingeonekana, sii unywele wala ukucha!. Badala ya kushukuru ndio kwanza watu humu wanabeza!.

Kwa amsiomjua Nyerere, japo nchi yetu ina adhabu ya kifo, katika utawala wake wa miaka 23, alisaini hati moja tuu ya kunyongwa kwa Mwamwindi!. Aliyefuatia ni swala tano!, uliza alisaini hati ngapi na watu wakanyongwa!.

Vitu vingine bora tuacheni tuu!, harakati za kumtangaza Nyerere ni Mwenye Heri, zinaendelea!.

Pasco

Pasco,
Unataka kupiga ala bila kujifunza chromatics.
Unataka kuizungumza historia ya Zanzibar bila kusoma historia yenyewe.

Lakini kubwa ni kuwa hata ''intellect,'' yako ni tatizo kidogo maana hata
mtu akikusoma hili linamtokea dhahiri kabisa.

Ataliona jinsi michango yako inavyokosa mantiki na matokeo yake ni haya
ya kuchanganya mambo.

Unachokijua wewe ni, ''mapinduzi matukufu,'' huna kingine.

Nikikuwekea mabandiko ya kukufikirisha unapotea kwa muda kisha unaibuka
na jambo lingine kabisa lile unalikimbia.

Ni kweli waliofungwa jela za Bara walinusurika kuuawa.
Lakini iweje umshukuru mtu aliyekukata mkono kwa kukurudishia kidole gumba?

Jana nilikuwa Zanzibar kutoa mada kuhusu Sheikh Hassan bin Amir.
Walionialika ni Mwinyi Baraka Foundation.



Kongamano la Mwinyi Baraka Foundation 12 June 2016 Ukumbi wa Baytul Amiyn

Sheikh Hassan bin Amir ni Mzanzibari na alishiriki katika kuunda TANU na ni
mmoja wa wajumbe wa TAA Political Sub Committee 1950 wajumbe wengine
wakiwa, Dr. Kyaruzi, Abdul Sykes, Stephen Mhando, Hamza Mwapachu,
Said Chaurembo na John Rupia.

Sheikh Hassan bin Amir ndiyo aliyiongoza TANU kuwa ''a nationalist secularist
party,'' baada ya kufanya mkutano wa siri Mtaa wa Pemba Dar es Salaam na
baadhi ya viongozi wa TANU mwaka wa 1955 wakiwamo Rajab Diwani, Sheikh
Abdallah Chaurembo, Sheikh Nurdin Hussein na wengineo.

Sheikh Hassan bin Amir alikuwa Mufti wa Tanganyika hadi alipofukuzwa na
Nyerere mwaka wa 1968 na kurudishwa Zanzibar na kupigwa marufuku 

kukanyagaTanganyika baada ya ''mgogoro,'' wa East African Muslim Welfare
Society (EAMWS) uliopelekea kuundwa BAKWATA.

Lakini baada ya Sheikh Hassan kufariki mwaka wa 1979 Nyerere alihudhuria
hitma yake Msikiti wa Mtoro alialikwa na Sheikh Abdallah Chaurembo na
Sheikh Kassim Juma.

Mimi nilikuwapo hapo msiktini siku hiyo.

Ikiwa huyajui haya kwa undani maisha utahangaika na historia ya Tanganyika
kwani huu ndiyo msingi unaosimamisha si historia ya Nyerere bali historia nzima
ya uhuru wa Tanganyika na baada yake.

Pasco,
Hebu jitulize na isome historia kwanza kabla hujataka kupambana na mimi.
Watoto wa mjini wana Kiswahili chao.

Wanasema, ''Mimi si saizi yako.''
Maana ukinivaa utapwaya.