Jamii Forums na Prof. Malima

Prof. Malima

Mwalimu Athmani Khalfani Mrindoko Mwalimu ya Shule ya Msingi
na Mwalimu wa Kusomesha Qur'an
Kielelezo kimojawapo cha Udini na Dhulma Anakabiliwa na Kesi ya
Kubambika ya Kujeruhi
Soma Habari Zake

Sheikh Rajab Chambuso Mwalimu wa Madras
Anakabiliwa na Kesi ya Kushawishi Mauaji
Soma Habari Zake

Sheikh Ponda Issa Ponda Akiwa Ameelekea Kibla Msikiti wa Kichangani
Akiomba Dua Kabla ya Kuongoza Maandamno Dhidi ya NECTA iliyokuwa
Ikihujumu Shule za Kiislam Katika Mitihani
Sheikh Ponda Amepigwa Risasi Alipokuwa Morogoro kwa Mwaliko wa
Waislam na Yuko Mahabusi Akisubiri Kesi

Rashid Zahaki Aliyefukuzwa Jeshi la Polisi kwa
Kupinga Mauaji ya Waislam Mwembechai 1998

Suleiman Mamba Aliyepigana Katika Vita ya Majimaji 1905 - 1907
 Dhidi ya Wajerumani Kupinga Dhulma 

Sheikh Kassim Juma Alipotoka Rumande 1993

Jamii Forums ni ukumbi katika mtandao ambao kauli mbiu yao ni ''Great Thinkers,'' na ''Where we Dare Talk Openly.''

Nimekuwa nikichangia katika ukumbi huo kwa muda mrefu na Alhamdulilah nimekuwa maarufu khasa kwa kuwa nimeingia bila ya kuficha jina langu khalis. 

Wengi wa wachangiaji wanazungumza nyuma ya pazia wakitumia majina ya bandia.

Nimejitahidi kwa kiasi alichoniwezesha Allah kueleza ukweli katika yote ambayo Waislam walikuwa wakishambuliwa. 

Mathalan kuwa Waislam hawana mipango katika elimu, Waislam ni wavivu nk. 

Haikupita muda michango yangu (na kuna vijana wengine wakaniunga mkono) ikawa maarufu na ikaleta changamoto mpya ndani ya ukumbi wa JF.

Wakati mwingine hutukanwa, kubughudhiwa, kutishwa, kukejeliwa na kadhalika. Lakini mimi na wenzangu hatukuacha. 

Wenyewe husema tunatoa darsa kuwaelimisha ndugu zetu ambao hawakuwa hata wanaijua historia ya Tanganyika. 

Kwa hakika tuliwashtua wengi wakati tukitaja majina ya waliopigania uhuru wa Tanganyika ambao walikuwa wao hawajawasikia toka kuzaliwa...Sheikh Hassan bin Amir, Sheikh Suleiman Takadir, Jumbe Tambaza, Tatu biti Mzee, Mama biti Maalim, Bi. Halima Selengia nk nk. Tena tukiandika na wasifu wao kamili.

JF Jukwaa la Siasa likashamiri na sisi wachangiaji tukang'ara pia na Uislam sasa ukawa unaagaliwa kwa sura nyingine.

Nakumbuka katika moja ya mjadala nilisema hotuba ya Nyerere UNO 1955 iliandikwa na akina Abdulwahid Sykes 1950 hii nusra iwaue ndugu zetu. 

Sijapatapo kuona JF kuumia na kulipuka kama katika hili.

Sasa maswali yalivyorushwa kwa hasira ndipo majibu yakawa yanakuja moja baada ya jingine kwa utaratibu na kwa lugha ya kuoendeza.


Walikuwa hawajui kuwa hata hiyo TANU hakuanzisha Nyerere...

Walikuwa hawajasikia kuwa kulikuwa na TAA Political Subcommittee ikiwa chini ya Sheikh Hassan bin Amir...


Tuishie hapa nadhani msomaji umepata picha ya JF ni akina nani na nini sera zao.

Sina haja ya kukueleza kuhusu watu gani wengi Waislam au Wakristo...jibu tuliwapa katika historia ya Tanganyika.

Iweje ''minority'' wakomboe nchi?


Hivi majuzi JF wameweka bandiko ambalo nia yake khasa ilikuwa kumdhalilisha marehemu Prof. Malima.


Mimi na wenzangu tukaenda jamvini kumtetea marehemu kwani hayupo na kwa hiyo hana wa kumsemea.


Asiye na Mtu ana Allah.


Majibu yalipoanza kushuka haraka ule uzi ukafungwa.


Wamefunga kwa sababu ukweli ulikuwa unawachoma.
Ukweli na ushahidi wa ukweli ule uliwatisha pasi kiasi.
Walizungumza kuhusu udini wa Prof. Malima...
Sisi tukaweka ushahidi wa nani mdini.


Leo asubuhi nimewawekea hapo JF ushahidi wa udini katika serikali na hatari ya Mfumokristo.


Hata kabla sijamaliza bandiko langu limefutwa.Ndipo nakaona niwajulishe wasomaji wangu kuwa si kweli kuwa JF ''talk openly...''

Kizazi hiki tutakirithisha nini?

Dhulma ya Jeshi la Polisi?

Dhulma ya NECTA?