''USTADH'' JAMAL YASSIN TAPELI BINGWA

Utangulizi

Jamal Yassin

Tarehe 17 February 2016 niliweka katika hii blog habari za Jamal Yassin nikieleza kuwa alikamatwa na polisi kwa tuhuma za ugaidi na akafanyiwa unyama mkubwa usioelezeka ambao ulisababisha yeye baada ya kuachiwa kutokwa na damu sehemu zake za siri mbele na nyuma. Kwa masikitiko makubwa sana napenda kusema kuwa imedhihirika kuwa hayo yote aliyoeleza na mimi kuyatangaza ni habari za uongo. Jamal Yassin imedhihirika ni tapeli mwenye kipaji cha juu cha udanganyifu. Naomba radhi kwa wote.

Jamal Yassin na Sheikh Ali Mbaruk

Mpenzi msomaji ingia hapo chini kukisoma kisa cha huyu tapeli bingwa:

http://www.mohammedsaid.com/2016/02/jamal-yassin-nilikamatwa-nikawekwa.html

Mizani
Ijumaa 15 Januari 2016

Mwandishi akifanya mahojiano na Jamal Yassin  tarehe 17 Februari 2016 akiwa ameongozana na
Sheikh Ali Mbaruk

Ndugu zangu hivi punde asubuhi hii nimezungumza na Sheikh Ali Mbaruk kuhusu Jamal Yassin.

Mazungumzo yetu yamechukua kiasi cha dakika 20. Kanithibitishia kuwa Jamal ni tapeli wa kipaji cha juu sana.

Jamal si Mpemba bali ni Muha kutoka Kigoma na nduguze wamelithibitisha hilo mbele ya Imam Msikiti wa Chihota Sheikh Ali Mbaruk akiwepo.

Kufupisha...

Katika mahojiano alikimbia akaruka ukuta wa msikiti.

Akipigiwa wito wa "mwizi" akakimbizwa na kutiwa mkononi.

Alipata kipigo.

Waislam walimfikisha hospital kumtibu na kubwa walilofanya ni kuomba daktari amvue pampers ili waone kama kweli anavuja damu sehemu zake za siri.

Daktari alithibitisha kuwa hana athari yoyote.

Jamal alipelekwa hadi Mtambani na akaomba radhi.

 Lakini zipo taarifa hivi sasa yuko Zanzibar anaendelea na utapeli wake.