MAZISHI YA SHEIKH ALI MZEE COMORIAN

Jeneza la Sheikh Ali Comorian Likielekea Makaburi ya Wangazija Huku Manyunyu
Yaliyofuatiwa na Mvua Kubwa Yakidondoka

Sheikh Ali Mzee Comorian amezikwa leo tarehe 29 Desemba 2014 sawa na tarehe 6 Mfungo Sita 2015 Makaburi ya Wangazija Mtaa wa Bibi Titi Mohamed. Sheikh Ali Comorian amezikwa pembeni kwa baba yake Sheikh Mzee Comorian. Kabla ya maiti kupelekwa Msikti wa Makonde kwa ajili ya Sala ya Jeneza na baada ya kusomwa khitma, ulisomwa mlangowa nne wa Barzanj kama alivyousia mwenyewe marehemu na hivi ndivyo ilivyokuwa pia katika mazishi ya baba yake Sheikh Mzee Comorian. Rais Mstaafu Ali Hassan Mwinyi alikuwa mmoja wa waombolezaji. Sheikh Ali Hassan Mwinyi alikuwa karibu sana na Sheikh Ali Comorian wakati wa uhai wake. Balozi wa Comoro Tanzania alitoa rambirambi maalum kutoka kwa Rais wa Comoro. Mara tu baada ya kumaliza sala ya jeneza na wakati masafara unaanza kuondoka hapo msikitini ukiongozwa na magari ya polisi mvua kubwa sana ilianza kunyesha na ikafanya msafara uende taratibu sana na kwa watu kurowa. Kwa kipindi cha karibu saa mbili kulikuwa na na msongamano wa magari kuingia Mtaa wa Msimbazi kuelekea Morogoro Road kwenye makaburi ya Wangazija.

Jeshi la Polisi Likisaidia Kuongoza Mazishi

Sala ya Janeza

Waombolezaji

Waombolezaji Pembeni ya Msikiti Wakisikiliza Hotuba Zilizokuwa Zikitolewa Ndani ya Msikiti

Marafiki wa Marehemu Wakichangishana Ranbirambi Nje ya Msikiti

Waliovaa Kofia Nyuma Kushoto ni Abdulaziz na Kulia ni Abdallah Katungunya Hawa Wameishi na Sheikh Ali Comorian Toka Utoto Wakiwa Nje ya Msikiti

Mstari wa Nyuma Abdallah Miraji (Mwenye Kofia) Mmoja wa Viongozi wa Msikiti wa  Ngazaji Akisalia Jeneza Nje ya Msikiti

Umma uliofurika Msikiti wa Makonde Mtaa wa Nyamwezi Hiyo Bendera Inayopepea ni Bendera ya Tariqa Quadiriyya.



Mvua Iliyonyesha Baada ya Sala ya Jeneza