KUTOKA JF: MNARA WA MICHENZANI (KISONGE) UPEWE JINA LA JOHN OKELLO

Baraghash said: ↑

[QUOTE="Baraghash, post: 14898109, member: 113808"]Mnara mpya wa Michenzani  wa kumukmbu ya Mapinduzi matukufu ya Zanzibar mwaka  1964 uliogharimu mabilioni ya shilingi ungesherehesha zaidi kama ukapewa heshima ya jina la  kiongozi mkuu wa Mapinduzi,  Field Marshall  John Okello. Mtu aliejitolea hali na mali kuwakomboa waafrika wenzake. 

Historia itatuhukumu  tukiliacha jina lake kupotea katika kumbukumbu za Mapinduzi ya Zanzibar. Kama Mapinduzi yale yasingelifanikiwa  kichwa cha John Okello kingelikuwa cha kwanza kuchinjwa na kuangamizwa.

Nkweli yeye alikuwa si mzanzibari lakini mchango wake hauwezi kubezwa katika ukombozi na  Mapinduzi ya Zanzibar.   Che Guevara, mwana mapinduzi mwenzake kule Cuba amejengewa mnara wa kumbukumbu, kuthamini mchango wake wakati nae pia alikuwa sio Mcuba.[/QUOTE]

Baraghash,
John Okello hakupatapo kuwa ''kiongozi mkuu,'' wa Mapinduzi ya Zanzibar.
Ukiwa huu ndiyo ukweli hiyo heshima ya jina lake lipewe mnara itakuwa haipo pia.

Ikiwa Okello ndiye ''kiongozi mkuu,'' Abdallah Kassim Hanga atachukua nafasi gani?
Oscar Kambona atapewa heshima gani?

Victor Mkello je?
Au Mohamed Omar Mkwawa nini nafasi zao katika mapinduzi ya Zanzibar?

Vipi kuhusu Ali Mwinyi Tambwe na Jumanne Abdallah.
Vipi kuhusu Wayahudi waliokuwa wakiisaidia Afro-Shirazi Party?

Vipi kuhusu meli ya silaha kutoka Algeria?
Historia ya Mapinduzi ina mengi ambayo wengi hawayajui.

Ukitaka kuijua historia ya Mapinduzi ya Zanzibar soma kitabu cha Dr. Harith Ghassany,
''Kwaheri Ukoloni Kwaheri Uhuru (2010).

Hiki kitabu kipo ''online.''
Kisome uelimike.

Ndani ya kitabu hiki utakutana uso kwa uso na waliopanga mapinduzi na kila
mmoja nini ulikuwa mchango wake.

Okello hayumo katika hiyo orodha.

Inafurahisha sana na kwa hakika nimecheka kidogo ulipomfananisha Che Guevara
na Okello.

Che alikuwa Siera Maestra na Fidel Castro.

Okello hakuweko hata Kipumbwi na Mohamed Omari Mkwawa lilipotokea jeshi la 
Wamakonde wakata mkonge kutoka shamba la Sakura walioingia Zanzibar na mapanga 
kupindua serikali ya ZNP/ZPPP ya Mohamed Shamte.