KUTOKA JF: KAULI YA HAMZA MWAPACHU KWA UONGOZI WA TAA 1953

Matola said: ↑

Mohamed Said hujajibu hoja yangu, nimekuuliza kwani waislamu walikuwa wanapambana kama waislamu au Watanganyika? Maswala ya uhuru sidhani kama yanahusiana na imani ya mtu, hapa ndipo unapopotoka.

Mimi nimeisoma vizuri historia ya Afrika kusini na nimeiishi, kwa upeo wako huu ulionao wewe ungekuwa ni mzulu ungetaka labda kabila la Wazulu lipewe special attention, maana kwao South Africa wenzetu hawana tatizo la dini wao wana makabila 9 tu na kwa akili hizi zako ninavyoziona ungetaka Wazulu ndio wawe kila kitu.

Wewe una matatizo makubwa sana, bila kubadili mindset yako huu ni msiba mzito.

Matola,
Nitakujibu.

Waislam walikuwa wanapambana kwanza kama wazalendo na ndiyo
wakaasisi African Association 1929.

Kisha 1933 walewale walioasisi African Association wakaasisi tena
Al Jamiatul Islamiyya fi Tanganyika wakawa wanapambana kama
Waislam na sababu zipo.

Hapa ikawa ukoloni unapigwa pande mbili.

Ndiyo sababu Abdul Sykes na Ali Mwinyi Tambwe walikwenda Nansio
1953 kupata kauli ya Hamza Mwapachu kuhusu kumtia Nyerere katika
TAA ili waasisi TANU mwaka unaofuatia na Nyerere wamchague rais wa
chama kipya.

Abdul Sykes alikuwa rais wa TAA na Ali Mwinyi Tambwe katibu wa Al
Jamiatul Islamiyya.

Ndiyo maana unaona viongozi wa kwanza TANU ilipoanzishwa 1954 wengi
walitoka Al Jamiatul Islamiyya na wnachama wa mwanzo wa TANU walitoka
Rufiji na waliandikishwa na Mzee Said Chamwenyewe.