KUTOKA JF: HAKUNA PICHA INAYOELEZA HISTORIA YA WAISLAM NA MWALIMU NYERERE KAMA HII

mtebetini said: ↑

Maalim wangu Mohamed said nilikuwa nipo pembeni napata darsa hakika nimejifunza mengi ambayo sikuyafahamu,In shaa Allah Mwenyezi Mungu atakulipa kwani thawabu za Elimu huzipata hata ukiondoka Duniani.
Maalim naomba kukuuliza kidogo hapa Barzani.kuna picha nimeipata katika pita pita yangu kwa jamaa zangu lakini sikupata maelezo ya kunikinaisha, naiweka hapa kama utakuwa umewahi kuiona au kuwatambua waliopiga picha hii View attachment 359148

Mbetini,
Kwanza nakushukuru kwa kuileta picha hii hadharani.
Mimi ndiye mtu wa kwanza kuiona picha hii nje ya wenyewe.

Hii picha nilipewa na watoto wa Sheikh Abdallah Chaurembo
katika miaka ya 1980 na mimi nilifanya mipango ipatikane nakala
yenye ubora na hilo lilifanyika.

Picha hii ilipigwa 1956 shambani kwa Sheikh Abdallah Chaurembo
Mtoni Dar es Salaam.

Ukoo wa Chaurembo una kawaida ya kufanya hawli kila mwaka na hii
inaendelea hadi leo

Katika hawali ya mwaka ule Mwalimu Nyerere alialikwa.
Pamoja na Nyerere kuna watu wengi maarufu katika picha hiyo.

Nyerere amekaa katikati ya Liwali Ahmed Saleh kushoto na Sheikh

Bilal Mshoro kulia.

Yupo Rajab Diwani, Liwali Ahmed Saleh, Sheikh Ramadhani

Abbas, John Rupia, Sheikh Bilal Mshoro kutoka Tabora, Saleh

Muhsin huyu alikuwa TANU kisha akatoka pamoja na Zuberi Mtemvu

kuunda Tanganyika African Congress (ANC) mwaka wa 1958 kufuatia 
Uchaguzi wa Kura Tatu, katika watoto waliokaa chini yuko Said 
Mahfoudh mmoja wa vijana wa kwanza kuingia Chuo Kikuu cha 
Dar es Salaam katika miaka ya awali ya 1960.

Hii picha ilipotea kwa miaka zaid ya 20 hata wenyewe akina Chaurembo
wakawa hawana nakala ya picha hii.

Nimefurahi kuiona tena hii picha.
Alhamdulilah.