KUTOKA JF: PROF. ALI MAZRUI NA PROF. MOHAMED BAKARI

mtebetini said: ↑

Asalaam Aleykum Maalim wangu Mohamed Said,
Ahsante kwa darsa nami kila nikipata nafasi hupitia kwenye huu Uzi maana najifunza Mambo mapya mengi shukuran. Maalim naomba niweke link hapa ya UZI nimeukuta humu jamvini kwa kweli nimeshangazwa na hilo bandiko.

“Ashakum si matusi" Maalim mleta huo uzi huwa anakuita muongo jee yeye hapa ameandika nini?
Uongo wa Historia ya Afrika na Waafrika itajibiwa na muafrika
eti kaandika kitabu kukujibu amesahau hili bandiko?
Al-Alama Ritz naomba uione
Saidat FaizaFoxy naomba upitie

Mtebetini,

Mwaka wa 2003 katika mkutano wa Kimataifa Kampala, Uganda ambao kati ya

waliowasilisha mada alikuwa Prof. Ali Mazrui na Prof. Mohamed Bakari,

Prof. Mohamed Bakari katika kufanya majumuisho ya yale aliyosikia pale

alisema kuwa ni muhimu Waafrika wakaandika historia yao wenyewe kwani

wakiacha historia yao iandikwe na watu wengine wataandika mambo ambayo

wao hawatayapenda.

Prof. Mazrui halikadhalika Prof. Mohamed Bakari wameandika mengi ambayo

yamesaidia sana katika kufahamika mengi katika Afrika.

Lakini hawa walikuwa wasomi waliobobea katika fani zao.

Sasa ukitazama hayo yaliyoandikwa katika uzi ulionielekeza niusome kwa kweli

kuna makosa mengi si tu ya ukweli wa hayo yaliyoandikwa bali hata makosa ya

lugha na kukosekana kwa rejea za kuthibitisha kuwa mwandishi alifanya utafiti.

Prof. Mohamed Bakari akiwa ofisini kwake Fatih University Istanbul, Turkey na Mwandishi

Kulia kwa Prof. Mazrui ni Tamim Faraj Muslim University
of Morogoro (MUM) na kushoto kwake ni Mwandishi
Hilton Hotel, Kampala 2003

Wanamajlis,

Ingieni hapo chini msome dunia inasema nini kuhusu Prof. Ali Mazrui ili muweze

kupima kama kweli kila mtu anaweza kushika kalamu akaandika kuhusu historia

ya Afrika:

Mohamed Said: PROF. ALI MAZRUI MWALIMU WANGU WA MASAFA MAREFU

http://www.mohammedsaid.com/2014/10/taazia-ya-prof-ali-mazrui-1933-2014.html