TEWA SAID TEWA MEMBER WA ''WEDNESDAY TEA CLUB,'' TAA, MUASISI WA TANU, RAIS WA EAMWS, WAZIRI SERIKALI YA KWANZA, BALOZI, MBUNGE NA KIONGOZI WA WAISLAM WA TANGANYIKA

Utangulizi

Picha hizi zinatoka katika Maktaba ya Said Tewa mtoto wa marehemu Tewa Said Tewa ambae kwa miaka mingi amekuwa akiishi Denmark. Said anasema ameniletea picha hizi baada ya kuona juhudi zangu katika kuhifadhi historia ya Tanzania na viongozi wake baba yake akiwa mmoja wao iliyokuwa karibu ipotee. Hayo maandishi, ‘’caption,’’ katika baadhi ya picha ni mwandiko wake mwenyewe Mzee Tewa. Picha nilizopokea ni nyingi sana zikimwonyesha Tewa Said Tewa katika mengi lakini nimeona nichukue hizi chache ambacho zitamuunganisha yeye na matokeo muhimu zaidi katika historia ya Tanzania na katika nafasi yake kama kiongozi wa Waislam akiwa Rais wa East African Muslim Welfare Society upande wa Tanzania. Binafsi nimejifunza mengi kutoka kwa Mzee Tewa tukiwa tumekaa sisi wawili tu nyumbani kwake Magomeni Mikumi akinihadithia historia ya uhuru wa Tanganyika.

Msikilize Mzee Tewa:

Tewa Said anakumbuka siku kabla ya uchaguzi pale Ukumbi wa Arnatouglo, Abdulwahid  Sykes alikwenda nyumbani kwake jioni. Wakati huo Tewa alikuwa akikaa mtaa huo huo wa Aggrey na Swahili, si mbali sana kutoka nyumbani kwa Abdulwahid. Abdulwahid alimwambia Tewa maneno haya kuhusu mabadiliko ya uongozi ambayo waliamua kuyafanya katika TAA:

‘’Tewa, kesho tunakwenda kumpa huyu mtu, Nyerere, mamlaka ya kuendesha nchi hii. Kuanzia hapo, mara tu tutakapomchagua kutuongoza hakuna namna tena ya kumnyangíanya madaraka tuliyompa. Hatumfahamu vizuri sana lakini natumaini kila kitu kitakwenda sawa.’’

Mengi kuhusu Tewa Said Tewa unaweza kuyasoma hapo chini:
http://www.mohammedsaid.com/2013/12/tewa-said-tewa-mmoja-wa-waasisi-wa-tanu.html

Said Tewa Said

Tewa  Said Tewa alipokuwa mwanasiasa kijana  katika harakati za Wednesday Tea Club
Dar es Salaam ya 1950s

Tewa Said Tewa na Chief Abdallah Said Fundikira na baadhi ya viongozi wa
EAMWS

Kushoto wa pili Tewa Said Tewa na ujumbe wa Tanzania ukiongozwa na Nyerere
uliokuwa katika ziara ya China 1965

Kushoto Abdulrahman Babu, (pass), Oscar Kambona, Tewa Said na Nyerere
Nyuma walosimama mwenye miwani ni Aboud Jumbe China 1965

Balozi Tewa Said Tewa na Mwenyekti wa Chama Cha Kikomunisti Cha China,
Peking 1965

Tewa Said Tewa katika Hijja mwaka wa 1991