ABDULRAHMAN BABU ANAVYOKUMBUKWA NA HAMZA RIJAL

Utangulizi

Hamza Rijal baada ya kusoma niliyoandika kutokana na shajara yangu ya mwaka wa 1991 kuhusu Abdulrahman Babu ameniandikia kitu kwa faragha lakini nimemuomba nikiweke hadharani ili sote tunufaike.

MS

Mwaka wa 1994 nikiwa natokea mji wa Aberdeen nalifika London kujitaarisha kurudi nyumbani na kuamua kabla sijarudi nyumbani nifike Sweden kumtembelea dada yangu.

Nilipofika London nilikuwa na siku mbili zilizofwatana mwanana, siku ya Alkhamisi nilifika kwa Sheikh Mohammed Abubakar kulikuwa na Mawlid ya Samti Dura na nilikutana na jamaa wengi hapo, nikaambiwa bada ya miaka kuwa hadhara hio mara Imam Hamza Yusuf wa California huibuka, yrati ningekutana naye.

Nilikutana na kijana wa Malaysia alio Radical mawazo yake yalikuwa makali mno juu ya Ulimwengu wa Uislamu na njia ya kupenya, alikuwa na fikra sambamba na za Waziri Mkuu wake Dr. Mohammed Mahathir.

Siku iliofwatia ilikuwa Ijumaa ikawa kwenda kumjulia hali Abdulrahman Mohammed Babu, tuliofika hapo alikuwa Ahmed Rajab, Abdulaltif Abdalla, Adanani na mie.

Ukweli khulqa ya Babu ni tafauti sana na watu waliofika makamo yake yeye, kwani mie nilitaka kumsikia anazungumzia mambo mengi kama nilivyokuwa namsoma, lakini Babu alikuwa mara zote akinirushia masuala kutaka kujua fikra zangu juu ya nyumbani na kuelekea Uchaguzi wa 1995 aidha alikuwa akitaka kufahamu msimamo wangu juu ya Ghadafi na ninamuonaje katika harakati zake za Umajumui wa Kiafrika. Ukweli siku hiiio nilipatikana kwani mambo yalikwenda kinyume na matarajio yangu, ila Babu mbali ya tabia hio aliokuwa nayo kutaka kusikiliza rai za watu wengine aidha alikuwa anataka kufahamu fikra za mtu kama mie niliosma Libya kisha nikaja kuyaona maisha ya Uiengereza fikra zangu zikoje?

Nilijititimua kuzielezea afkar zangu na bara letu linavyokuwa na muelekeo na mawazo yangu mengi yalijengeka kutokana na Maktaba ya Jamia Gharyounus iliopo Benghazi, Maktaba hio katika upenyu wa vitabu vya Siasa na African studies ilikuwa ni wewe tu uwezo wako,  mfano vitabu vya  Franz's Fanon alivyoandika yeye na wale waliomzungumza vyote utavikuta, vitabu juu ya Che Guevera, vitabu juu ya Nkurumah, Maktaba hio ilikuwa hata kama umelala kifikra basi utaamaka tu. 

Aidha nilipokuwa Aberdeen University, Queen Mary Library nayo sio kalili, hapo hasa hubeba vitabu vya nje ya Takhasusi yangu siku ya Ijumamosi na Ijumapili nikajisomea, saa nyengine hujisemesha mwenyewe, ewe hapa hujaja kusoma History na Political Science, lako ni Ecology.

Siku hio ilikuwa masaa mawili kwangu na Babu ni kama dakika 15, nalipenda nipate fursa ya kuwa naye zaidi.

Bada ya hapo nilikuwa nina hamu sana nikutane na Al-Marhum Ali Muhsin Barwany, nikitaka nipate fursa nizungumze naye na yaliopita Zanzibar, juu ya Tafsiri yake ya Quran, maisha yake ya Jela huko Bara na maisha ya Sheikh Muhsin Barwany, kwani wakati huo nimerudi nyumbani nikiandika juu ya Masheikhe waliopita, sijabahatika kukutana na Sheikh Ali Muhsin, nilikuwa nikutane naye kisha nimrudie Babu nimsikie yake atayasemaje?

Babu sijawahi kumuuliza kwanini alitoka ZNP na kunda Umma Party lakini nilitaka nimuulize Sheikh Ali Muhsin ilikuwaje Babu kuhama Chama? Ningekutana na Sheikh Ali kisha Babu kwa mara nyengine ningekuwa na mengi katika ya kuyaelezea.

Nilibahahatika kuwa nikikaa baraza mmojana  Al Marhum Maalim Aboud Maalim katika mtaa wa Kisimajongoo, kila akija Unguja iliuwa hufika kwenda kupiga soga, Maalim Aboud amenieleza mengi na nimefahamu mengi ambayo yananisaidia kufahamu siasa za Tanzania na Ulimwengu wa Kiislamu kwa jumla.