KUTOKA WHATSAPP: MAALIM SAKINA MOHAMED ARAB

Kulia ni Maalim Sakina Arab

Hapo chini ni mazungumzo katika whatsapp baada ya Sheikh Aziz kuweka picha ya Maalim Sakina Arab:

17 years mpendwa wetu Maalim Sakina Mohammed Arab mungu amrehemu

Sheikh Azizi naona umeweka picha ya Mwalimu wetu!

Aziz Ahsante kwa kumbukumbu hii. Huyo mwingine ni nani?

Mjukuu wake upande wa Maalim Fatna mdogo wake Maalim Sakina

Sheikh Aziz Salim unawakumbusha mbali wanafunzi wake, Maalim Sakina Mohamed al Arab, Mwenyezi Mungu amrehemu kwa hidaya yake ya Elimu alioiacha duniani kwa wanafunzi alio wasomesha.

Aamin.

Nami nikaandika hayo hapo chini kuhusu Malim Sakina kwa faida y:a wale ambao hawakupata kumjua:

‘’Maalim Sakina kafanya makubwa katika kupigania uhuru wa Tanganyika na ni katika akina mama wa mwanzo kabisa kumpokea Baba wa Taifa  Mwalimu Julius Kambarage Nyerere na mkewe Mama Maria yeye na nduguye Mwalimu Fatna na mama yao Bi Chiku Kikusa mke wa Shariff Abdallah Attas. Aliyewafikisha kwa watu hawa alikuwa marehemu Abdulwahid Sykes.

Mama Maria 1955 akafungua biashara ya kuuza mafuta ya taa pale Mtaa wa Mchikichi alipokuwa akiishi Maalim Fatna.

Shariff Abdallah Attas

 Abdul Sykes akiwa Marker Master Kariakoo Market na Shariff Attas akiwa Dalali wa soko. Abdul Sykes alikuwa hana dada ukiwatoa dada zake kwa upande Afande Plaantan, akina Maimuna na Maunda Plantan, aliwachukulia Mwalimu Sakina na Fatna kama dada zake wa damu kiasi kwamba Abdul alipokufa 1968 Mwalimu Sakina alirithi Mercedes-Benz ya Abdul DSQ 666 iliyokuwa ya Aga Khan akauziwa yeye kwa sababu ya heshima yake mwaka wa  1959.

Iko siku nitakuwekeeni kisa hiki kwa kirefu.

Hawa walisoma wote Al Jamiatul Islamiyya Muslim School pamoja na baba yangu. Baba akijuana vizuri na Mustafa Al Arab kaka yake Maalimu Sakina.

Allah awaweke pema peponi wazee wetu hawa.

Safari ya kwanza ya Baba wa Taifa Mwalimu Julius Kambarage Nyerere UNO 1955 hao mama zetu wako Uwanja wa Ndege wanamsindikiza Mwalimu Nyerere. Kulia wa kwanza Bi. Chiku Kikusa mama yao Mwalimu Sakina na Mwalimu Fatna, Bi. Titi Mohamed Mwalimu Nyerere na mwisho ni Bi. Tatu Bint Mzee.

Niko ndani ya ndege nakwenda South Africa nikaingia katika mazungumzo na Mzungu mmoja mwenyeji wa Johannesburg nikamtaja Bailey na nikamweleza kuwa ni rafiki yangu. 

Yule Mzungu akanambia Bailey ni jirani yake na amefariki mwezi uliopita.

Picha hiyo hapo juu na zingine za miaka ya nyuma zilikuwa hazionekani popote katika historia ya TANU. 

Kulia Bi Titi Mohamed, Clement Mohamed Mtamila, Sheikh Suleiman Takadir na Julius Nyerere. Nyuma kulia John Rupia, Rajab Duwani na Mama Maria Nyerere katika mkutano wa TANU Mnazi Mmoja 1954/1955.

Hizi picha alinipa Jim Bailey ambae nilijulishwa kwake na Ally Sykes. Huyu ni Kaburu kutoka Afrika Kusini na ndiye alikuwa akimiliki gazeti la DRUM. 

Jim Bailey alinipa kazi ya kuhariri kitabu cha Baba wa Taifa na kutafuta publisher. Kazi hii nilifanya Alhamdulillah na kitabu kikachapwa kinaitwa "Nyerere of Tanzania."

Jim Bailey ndipo katika haya akanipa mapicha haya kutoka Jim Bailey African Collection Johannesburg.

Bailey akanipa na picha ya Sheikh Suleiman Takadir Mwenyekiti wa Baraza la Wazee wa TANU akiwa jukwaani na Nyerere wakati wa kupigania uhuru wa Tanganyika.''

Mwandishi akizungumza na Bi. Maunda Plantan nyumbani kwa Bi. Maunda Magomeni Mikumi
Bi. Maunda ni mwanamke wa kwanza kutangaza Sauti ya Dar es Salaam radio ilipoanzishwa
Tanganyika 1952

Mahojiano na Bi. Maunda Plantan mjukuu wa Afande Plantan Kamanda wa German Constabulary Dar es Salaam 1890s nyumbani kwake Magomeni Mikumi. Afande Plantan alikuja Tanganyika na jeshi la Wazulu chini Mjerumani Herman von Wissman kuja kupambana na Abushiri bin Salim Al Harith na Chief Mkwawa. Katika jeshi hilo la Wazulu alikuwamo Sykes Mbuwane.''