By
jmushi1 
Kutembeza bakuli kuanzia Misri,Saudi, Jordan, Lebanon, Kuwait, Iraki ni
kushauriana na serikaki za huko bila kuishirikisha serikali ambayo ndo
kiwanza mpya baada ya uhuru wewe ulitegemea nini.Narudia tena
mmenifundisha nilichokuwa sikijui na ninakushukuruni sana.Yani hadi
rais wa Misri akamuagiza makamu wake waishughulikie hiyo issue na
Tewa halafu mkataka rais wa nchi amchekee huyo mtu? Walichokuwa
wakitaka kufanya akina Tewa ni hatari kwa usalama wa taifa lolote lile,
ndo maana hata baadhi ya waislam walijitenga na hiyo EAMWS.
jmushi,
Haikuwa hivyo.
Unahitaji urudi nyuma hadi 1963 Nyerere alipofanya hila ya kuivunja
EAMWS na njama zile zikapambana na juhudi za Sheikh Hassan bin
Amir na Bilal Rehani Waikela katika mkutano ulofanywa Aga Khan
Girls.
Nyerere alishindwa kuivunja EAMWS kipindi kile na ndiyo ilikuwa sababu
ya Mzee Waikela kuwekwa kizuizini mwaka 1964.
Kule kizuizini alikuwa pamoja na babu yangu Salum Abdalla katika
jela ya Uyui, Tabora.
Nimefurahi umenisoma vyema.
Ukitoka hapo isome hotuba ya Waikela kwa Nyerere, ''Moto wa
Waislam.''
Ukipenda unaweza ukenda tena katika Halmashauri Kuu ya TANU
mwaka huo huo wa 1963 siku Bi. Titi Mohamed alipowapinga
Selemani Kitundu na Rajab Diwani kuhusu Aga Khan kisha
akapambana na Nyerere kwa maneno ile nipe nikupe na Nyerere na
wale aliokuwa akiwatumia wakashindwa pale Bi. Titi alipomtaja Allah
mbele ya uso wa Nyerere.
Hii ilikuwa bado hajapatapo kutokea katika historia fupi ya uhuru wa
Tanganyika.
Kama usalama wa taifa ulikuwa unahatarishwa na kuwa na uhusiano na
nchi za Kiislam mbona wamishionari kutoka Ulaya walikuwa wamejaa
nchini na wamegawana maeneo kwa miaka mingi tu?
Hebu angalia hapa chini:
''Tanganyika was divided among different Christian organisations
originating from various European countries. The Catholic Church,
which is the most influential, was already established in Tanganyika.
White Fathers were in Tabora, Karema, Kigoma, Mbeya, Mwanza
and Bukoba; Holy Ghost Fathers-in Morogoro and Kilimanjaro;
Benedictine Fathers in Peramiho and Ndanda; Capuchin Fathers-in
Dar es Salaam; Consolata Fathers-in Iringa and in Meru; Passionist
Fathers-in Dodoma; Pallotine Fathers-in Mbulu; Maryknoll Fathers-
in Musoma; and Rosmillian Fathers-in Iringa.[1]''
Basi uhusiano na Misri ndiyo iwe nchi inahujumiwa?
Hao unaosema Waislam waliojitenga kweli walijitenga lakini waliojitenga
walikuiwa mamluki ambao walikuwa wanalipwa na Geofrey Sawaya
hongo ya shs: 40,000 kwa kichwa kama bei yao ya usaliti.
Wanajamvi,
Huyu Sawaya alikuwa ndiyo Mkurugenzi wa Makosa ya Jinai.
Aliyesimama wa Mwanzo Kushoto ni Geoffrey Sawaya
Sasa jiulize ''mgogoro'' wa EAMWS ulimuhusu vipi na nani alimpa fedha
hizo za kuhonga?
Mzee Waikela alikataa kupokea magendo yale akiwa na Sawaya wa
tatu wao Allah Subhana Wataala ndani ya chumba Tabora Hotel na
Tabora haikujitenga.
jmushi,
Nikukumbushe maneno ya Abdulwahid Sykes kwa Tewa Said Tewa
April 1953 usiku wa kuamkia siku wanakwenda kumpa Nyerere uongozi
wa TAA kisha waunde TANU?
Je, ungependa kujua mwisho wa wale wasaliti ulikuwaje?
Ni kisa ambacho jamvi letu litaburudika kusikia nini Allah aliwapa kabla
malaika wa mauti hawajawafikia.
Waliotendwa ni wazee wetu.
Waliodhulumiwa ni wazee wetu.
Tuliodhulumiwa ni sisi Waislam.
Wazee wetu wameondoka duniani lakini walituachia hazina kubwa ya
nini kilipitikana kabla hawajatangulia mbele ya haki.
Ndiyo haya leo nakufungulieni hapa msome historia iliyofichwa kwa
nusu karne.
Kuna Nyaraka za Waikela alizificha kwa miaka 20 hadi ziliponifikia mimi
miaka ya 1980.
Jalada lililokuwa na hizo nyaraka nililipa jina, ''The Blue File,'' kutoka
na jina la jalada katika mchezo wa senema, ''The Tamarind Seed.''
Omar Shariff.
Jalada hilo lilikuwa habari nyeti kuhusu Urusi na makachero wake
waliokuwa Uingereza enzi za Vita Baridi.
Fungua hapa bwana jmushi usikize Nyaraka za Waikela:
http://www.mohammedsaid.com/2014/05/...ga-hassan.html
Kipindi Maalum Radio Kheri na Radio Quiblaten: Kumbukumbu ya Sheikh Ilunga
Katika Kipindi Hiki Nilieleza Nyara za Waikela na Umuhimu
Wake Katika Kuujua Ukweli wa Kuvunjwa kwa EAMWS
jmushi,Mimi huwa sikasirishwi na kejeli kama unapotumia maneno ya kuudhi,
''kutembeza bakuli,'' nk. nk.
Mimi nimesomeshwa akida za mnakasha na Maalim Haruna (Allah
atamlipa In Sha Allah ) kwa Kizungu unaweza kusema, ''The Art of
Debating.''
Akisema, ''Silaha yako kubwa ni ile ilm uliyonayo katika somo la mjadala.
Ukiona unatukanwa basi jua samaki keshameza ndoana na chambo chote.
Kilichobaki ni kumtia chomboni basi.''
Kisha akiongeza, ''Aliye na ilm hamkebehi mwenzake. Wanashindana
kwa hoja tu. Usiwe debe tupu la Kimchembe.''
(Huyu Kimchembe alikuwa muuza debe kule Gerezani enzi hizo maarufu
kwa kupiga madebe yake kwa kelele kuita wateja).
Hii nimesoma labda ni kijana mdogo wa miaka 14/15 hivi.
Ndugu yangu mimi sina haja ya kukuleta katika ngarawa yangu kwa
haraka.
Nataka tuburudike kwanza na hili jamvi litakate.
Nakusubiri Insha Allah...
[1]See Kiongozi No. 6, June 1950. For more information on missionary
penetration in East Africa, see M. Langley& T. Kiggins: A Serving People,Oxford University Press, Nairobi, 1974, p. 19.
Array
Re: Tanganyika(TANU) imetoka mbali waasisi wake wengi wao wametangulia mbele ya haki
Edit Post
No comments:
Post a Comment