KUTOKA JF: EL, MUHAMMAD ALI NA ADHA YA UBINGWA

1. 
   

   Mohamed Said

   Today 17:41

   #159       

   
   

   JF Senior Expert MemberArray
   

   Join Date : 2nd November 2008

   Posts : 6,445

   Rep Power : 340011

   
   
   

   Likes Received

   5557

   
   
   

   Likes Given

   268

    Re: Sheikh wa Wilaya Bagamoyo amkana Lowassa

    By Emma. 

   Hawa wafu wananifurahisha sana wanavyoanza kupasuka vipande vipande

   
   Emma na Wanamajlis,
   Katika mashujaa wangu niliokuwa nikiwahusudu sana wakati mimi mdogo
   ni Muhammad Ali wakati ule 1964 akijulikana kama Cassius Clay.
   
   Baba yangu akifanya kazi posta na alikuwa akijua ni vipi nampenda Clay.
   
   Yupo kazini mara tu alipopata habari kuwa Clay kampiga Liston akanipigia
   simu kunifahamisha.
   
   Leo nikiangalia nyuma zama zile huwa sisemi mengi hubakia kushukuru.
   
   Kwa umri ule wa miaka 12 tayari nishakutana na "somo" yake Cassius Clay
   Cassius katika "Julius Caesar," ya William Shakespeare.
   
   Leo watoto ukiwauliza kuhusu kitabu hicho watakuuliza, "Kwani baba video
   yake hakuna?"
   
   Kusoma vitabu imekuwa adha kwa wanetu wepesi ni kuangalia DVD.
   Tuyaache haya turudi kwa Muhammad Ali.
   
   Katika vitabu vyangu nivipendavyo (nami ni mpenzi wa "biographies,") kimoja
   ni "The Greatest My Own Story," alichoandika Ali kuhusu maisha yake.
   
   Katika kitabu hiki kuna sura naipenda sana.
   Ali anaeleza pigano lake na George Foreman mwaka 1974, Kinshasa, Zaire.
   
   Ali anaeleza kuwa mchuaji wake (mtu wa massage) alikuwa mzee mmoja
   kutoka Cuba.
   
   Wakati wako kambini kwa matayarisho ya pigano lile yule mzee wa Kicuba akampa changamoto Ali akamwambia, "Ali usijisifu kwa kumpiga Sony Liston. Liston alipokutana na wewe umri wake ulikuwa ushapea mtu yoyote angempiga. Ikiwa wewe kweli unataka kuudhihirishia ulimwengu kweli wewe ni, "The Greatest," basi mpige Foreman. Huyu ni simba ana nyama ndani ya tundu lake. Ingia ndaniya tundu uichukue hiyo nyama."
   
   Wakati ule Foreman ndiye alikuwa na mkanda wa dunia na kila mpinzani
   alikuwa hakatizi mzunguko wa tatu tayari anakuwa keshawekwa chini yu
   taabani janga lilomkuta Joe Frazier kutoka kwa Foreman dunia nzima ilishuhudia.
   
   Ali aliingia katika tundu la simba na akatoka na nyama.
   
   Alimpiga Foreman katika mzunguko wa saba na akawa bingwa wa dunia
   kwa mara ya pili.
   
   Hiki kisa nakileta kwa kuangalia hali ya mbio za urais katika CCM.
   
   Picha inayojitokeza ni kwa wananchi kwenda kwa EL nyumbani kwake
   Dodoma kumshawishi na kumuomba agombee urais na wao watampa kura
   zao.
   
   Katika "hope fulls," tuliokuwanao katika CCM hakuna ambae aliyeweza
   kuonyesha kupendwa kama anavyopendwa EL.Natamani kuweka "inverted commas," lakini naogopa kuwaudhi wapenzi wa
   LE naona nende hivi hivi juu - kwa juu.
   
   (Katika raha mojawapo ya Majlis hii ni kuwa vijana wanakufunza msamiati
   mpya wa kueleweka haraka - "juu kwa juu," maana yake haifati sheria yaani
   "deviation from the norm").
   
   Kwa hizi kampeni za wananchi kutoka kila pembe kwenda Dodoma nyumbani
   kwake LE kumshawishi hakuna mpinzani wake hata mmoja aliyekanyaga
   ardhi hiyo hata kwa pembeni yake.
   
   LE kawaacha wenzake kwa mbali sana.
   Hata hivyo kuna mengi yanayosemwa.
   
   LE keshakuwa simba na ana nyama ndani ya tundu lake.
   
   Shujaa gani katika CCM atakuwa na ujasiri wa kuingia katika tundu lile kuichukua
   nyama ile?
   
   Hakika ni wazi kuwa atakaeweza kupanda ulingoni na LE na kumshinda kwenye
   ulingo njia kwake itakuwa nyeupe ndani ya CCM kupeperusha bendera ya kijani.
   
   Lakini naogopa hata kuliwaza hili kwani naamini damu itakuwa nyingi sakafuni
   hiyo siku ya pambano.
   
   Sasa naona nimalize kwa kurejea tena kwa Cassius katika "Julius Caesar."
   Caesar kamtazama sana Cassius kisha akasema maneno haya:
   "Yond Cassius has a lean and hungry look.He thinks too much. Such men are dangerous."
   
   Hapana sipigi, "alarm bell."
   
   Ni wapi unaweza kumfananisha LE na Cassius na ni nani wakati utakapofika atasema:
   "Et Tu Brute..."
   
   Hiki ni kitendawili ambacho muda pekee ndiyo utaweza kukitegua.
   

   Last edited by Mohamed Said; Today at 17:54.

   Edit Post   Reply   Reply With Quote    Send PM