MWAJIRIWA WA SERIKALI YA MAPINDUZI ZANZIBAR AZUNGUMZA KUHUSU KUPIGA KURA

Mohammed Ghassani

Yesterday at 9:51pm · 

Aliyenitumia alitaka niihariri kwanza kisha kama naona inafaa niiweke hapa. Mimi sijaona haja ya kuihariri. Naiweka kavukavu kasoro jina lake tu:

"A.alaykum. Natamani ningeandika kama post yangu ila kwa usalama wangu napitia kwako ukiona inafaa kuiweka au pia kuihariri kabla. 

Mimi ni mtumishi wa umma kupitia shirika la serikali.

Kushiriki katika kura ya Jumapili, 20 March 2016 nikuisaliti nafsi yangu. Siwezi kuisaliti nafsi yangu na nafsi za wanyonge walio wengi eti kwa kisingizo cha kulinda ajira yangu. Ajira. Sikuajiriwa kwa sifa ya kupiga kura. Kura imo ndani ya ridhaa ya nafsi yangu. Kura ni uhuru wangu.

Sitaki kwa sababu uchaguzi uliopita sikuona hekaheka za kulazimishwa. Iweje uchaguzi huu nilazimishwe. Uchaguzi uliopita sikuona bakora kuwatesa wanyonge. Uchaguzi huu, wanyonge wanateswa eti kwa kuwa wameyaamua yale wasiyoyaridhia wanga'ng'anizi wa madaraka.

Kama tume haiingiliwi katika maamuzi, basi na tume ya moyo wangu haiingiliwi katika maamuzi ya kwenda au kutokwenda kupiga kura. Kufukuzwa kazi kwa hili kutaacha historia katika uhai wa maisha yangu. Natamani niwe shujaa katika jambo hili. Siendi kupiga kura. Sipigi. Mnatosha na askari wanatosha kupiga kura. Wasipige watu tu, wapige kura. Jumapili ni siku yangu nzuri ya kupumzika.

Mungu ibariki Zanzibar.''