Wakati
Serikali ya Tanzania ikiwa bado imepigwa bumbuwazi baada ya Bodi ya Shirika la
Changamoto za Milenia (MCC) kuzuia msaada wa awamu ya pili wa jumla ya shilingi
trilioni 1 sawa na Dola za Marekani milioni 472.8, Mbunge wa Kigoma Mjini,
Zitto Kabwe ameibuka na kudai kuwa hatua hii ni matokeo ya ubabe wa Chama Cha
Mapinduzi (CCM).
Mheshimiwa
Zitto ametumia ukurasa wake wa Facebook kuelezea hisia zake huku akielekeza
lawama zote kwa CCM na kuwasihi watu wa Zanzibar kuendelea kuwa na subira kwani
kamwe Mola hatawatupa.
Zitto
ameandika kama ifuatavyo, “Uzalendo ni kutaka haki ya kidemokrasia Zanzibar.
Haki ya Wananchi waliochagua viongozi wao Oktoba 25, 2015. Sitakubali kuvishwa
koti la uzalendo kwenye suala la MCC. Hilo ni suala la CCM, kukosa misaada ya
Marekani ni matokeo ya ubabe wa CCM kuhusu Zanzibar. Haina mahusiano yeyote na
Uhuru wa Nchi yangu. Nawasihi Wazanzibari wawe na subra Mola kamwe hatawatupa.
Haki itapatikana tu. #DemokrasiaTu. Nawasihi Watanzania kuelewa kwamba CCM ndio
imetufikisha hapa na iubebe mzigo huu bila kuufanya ni mzigo wa Nchi.”
Kwa
mujibu wa taarifa iliyotolewa na Bodi ya MCC, hatua hii imekuja kufuatia
uchaguzi wa marudio uliofanyika visiwani Zanzibar Machi 20, huku ikidaiwa kuwa
uchaguzi huo haukushirikisha watu wote na pia haukuakisi maoni ya walio wengi
licha ya malalamiko kutoka Serikali ya Marekani na Jumuia ya Kimataifa.
Vilevile
bodi hiyo imesema sababu nyingine ya kusitisha msaada huo ni baada ya serikali
ya Tanzania kushindwa kuchukua hatua za kuhakikisha kuheshimiwa kwa uhuru wa
kujieleza na uhuru wa kujumuika katika utekelezwaji wa Sheria ya Uhalifu wa
Mtandao.
 |
| Zitto Zuberi Kabwe na Mwandishi |
No comments:
Post a Comment