HISTORIA YA KANISA LA MKUNAZINI - ZAHIR AL KHARUSI

HISTORIA YA KANISA LA MKUNAZINI

(ANGLICAN CHURCH)

Zahir Al Kharusi

Kwanza kabisa ikumbukwe vizuri kuwa biashara ya watumwa kutokea Congo na Malawi ilisimamishwa rasmi mwaka 1885 ndio ilikua mwisho utumwa Zanzibar na hapo Mkunazini karibu ya Soko Kuu palikua na sehemu ya uwanja au kikataa kitupu na kibanda kidogo cha makuti ndio mtu mwenye mtumwa wake nyumbani kwake humleta pale akanadiwa akauzwa na wale watumwa wanaotokea Congo ma Malawi pia. Eneo hilo tupu halikuwa na nyumba kubwa ya kudumu na ardhi hiyo ilikuwa ya Mhindi ambaye yeye aliitoa ijengwe hospitali ya Doctor Mortan Waswahili wakaiita hospitali ya  kwa kimoto. Ujenzi wa kanisa hilo, hospitali, nyumba ya padri na wachungaji zote zilianza kujengwa mwaka 1905, ni miaka ishirini iliyopita tokea kusimamishwa utumwa hapa Zanzibar wakati wa Sayyid Barghash bin Sayyid Said Albusaidy mfalme wa tatu wa kwanza ni Sayyid Said bin Sultan Albusaidy wa pili ni Sayyid Majid bin Sayyid Said Albusaidy.

Kwa hivyo eneo hilo halikuwa na jengo la kanisa nyumba za mapadri wala hospitali majengo yote hayo yameasisiwa baada ya miaka ishirini kupita. Maneno na historia inayotolewa kuwa palikuwa na soko ama nyumba iliokuwa ikifungiwa watumwa ni hadithi ya uongo na uzushi lengo lake ni kupandikiza chuki kubwa juu ya Uislamu na Waarabu wakati huyo David Livingstone huko kwao Uingereza na Marekani  ndio walinunua watumwa zaidi ya milioni kumi kutokea nchi za Afrika. Hapo Mkunazini ulikua uwanja mtupu uliopakana na sehemu ya mnada wa vitu vya kawaida yaani sokoni na ikawa ni urahisi mtu anayetaka kuuza mtumwa wake ampeleke eneo hilo lilopakana na sokoni amuuze. Hakika nyumba iliokuwa chini ina eneo la chini la baraza na mfano wa vyumba vya chini lilikuwa linatumika kuwekea madawa yaliyohitajia ubaridi na usalama zaidi wa  maradhi ya ndui (smallpox diseases) yaliowahi kuwepo miaka ya 1910-1920 hapa Unguja. 

Hakika uzushi wa chuki uliowekwa hapo katika Kanisa la Anglican ni uzushi mbaya sana na wa hatari na uliokuja kutiwa nguvu na Bibi wa Kizungu kutokea ‘’Nordic countries’’ alipoyachonga na kuyatengeneza masanamu kwa gharama kubwa sana huenda kapewa na wanaouchukia Uislamu na Uarabu huko Ulaya kwa sababu ni masanamu makubwa na kuyasafirisha kutokea Ulaya mpaka hapa Zanzibar ilikuwa ni gharama kubwa na bila ya kuchukua tahadhari Idara ya Nyaraka za Kale na Idara ya Mila na Utamaduni Zanzibar waliyaruhusu masanamu hayo kuingia nchini na waliyaruhusu kuwekwa hapo ubavuni mwa Kanisa la Anglican Mkunazini ili yazidishe chuki juu ya Uislamu na Uarabu kwani mwanamke huyu wa Kinordic alijua analolitaka na analolifanya. Ni msiba mkubwa sana huu wa serikali yetu kutochukua tahadhari mapema juu ya mambo yanaharibu ukweli wa historia ya nchi yetu. Ombi letu masanamu hayo yaondoshwe haraka iwezekanavyo na uongo unaozuliwa kuhusu utumwa wa hapo Mkunazini usimamishwe na uelezwe ukweli ya mahali hapo palivyokuwa Insha Allah Amin.

(Maelezo haya yametolewa katika vitabu vya historia cha Prof. Roman Loirmier kiitwacho ‘’Between Social Skilla and Marketable Skills The Politics of Islamic Education in 20^th Century  Zanzibar).