MKONO WA EID - SALUM ABDALLAH NA CUBAN MARIMBA CHA CHA BAND

Umenipeleka mbali sana.

Ilikuwa baada ya ''Takbira,'' kuashiria mwandamo wa mwezi kuingia
Mfungo Mosi na Eid kilichofatia katika radio ilikuwa mwimbo huu.

Huyu ni Salum Abdallah na Cuban Marimba Cha Cha Cha Band.

Alikuwa rafiki ya baba yangu katika ujana wao 1950s.

Nakumbuka siku moja bibi yangu Zena biti Farijallah akiniambia

kuwa wakati baba yangiu yuko Tabora ilikuwa kila Salum Abdallah

akija mjini pale na band yake alishaweka vyombo vyake hotel basi

lazima aende nyumbani kwa baba yangu.

Wakati huu akirekodi na label inaitwa Mzuri ya Guy Johnson.

Huyu alikuwa Muingereza rafiki na Peter Colmore. Guy Johnson

alikuwa akienda mwenyewe kumrekodi Salum Abdallah

Morogoro.

Radio Tanzania wana hazina kubwa ya muziki wa Salum Abdallah

toka alipoanza kurekodi 1955.

Ziko nyimbo zake zimeharibika haziwezi kupigwa kama, "Moyo

Koma," "Nipo Chini ya Mkungu."

Sina hakika na kama hizi ni "title," zake khasa.

Lakini binafsi nazijua na tukiziimba katika utoto. 1964 nikiwa

na miaka 12 nilikutana na Salum Abdallah Mtaa wa Aggrey ilipokuwa

Cuban Branch alikuwa na wenzake wakifanya mazoezi.

Nilisimama nje nikamsikiliza kwa muda mrefu akipiga guitar

na kuimba hapa na pale akielekeza muziki. 

Baada ya mwaka Salum Abdallah akafa kwa ajali na siku ile alikuwa apige 

Community Centre Morogoro.